اردو - جماعت دہم (لازمی) - سبق 01 - جملوں اور نثر پاروں کی تشریح

 

فہرست

 إخلأق نبوی ﷺ

حوالۂ سبق:- یہ نثر پارہ یا جملہ اردو کی نصابی کتاب میں شامل سبق "اخلاق نبوی صلی اللہ علیہ والہ وسلم " سے شامل کیا گیا ہے۔ جس کے مصنف مولانا شبلی نعمانی ہیں۔

حوالۂ مصنف :- نصاب میں شامل سبق "اخلاق نبوی صلی اللہ علیہ والہ وسلم " مولانا شبلی نعمانی کی تصنیف سیرت النبی صلی اللہ علیہ والہ وسلم کی جلد دوم سے ماخوذ کیا گیا ہے۔ "محمد شبلی نام اور شمس العلماء خطاب تھا۔  آپ اعظم گڑھ (ہندوستان) میں پیدا ہوۓ۔ ابتدائی تعلیم اعظم گڑھ کے مدرسے سے حاصل کی۔ آپ کی لیاقت کی وجہ سے سرسید نے علی گڑھ کالج میں استاد مقرر کیا۔ یہییں آپ کی تصنیفی ڑندگی کا آغاز ہوا۔ آپ نے مصر، ترکی، شام اور روم کے سفر کیے۔ ترکی کے سلطان نے آپ کو "تمغاۓ مجیدی" عطا کیا۔
  مولانا شبلی شاعر، ادیب، فلسفی، قانون دان، ماہر تعلیم، عالم دین اور مورخ تھے۔ آپکی تصانیف میں "المامون، سیرت النعمان، الفاروق، الغزالی، سوانح مولانا روم، مقالات شبلی اور سیرت النبی صلی اللہ علیہ والہ وسلم جیسی بلند پایہ کتابیں ہیں۔